Gruevski provokon dhe shantazhon vazhdimisht shqiptarët dhe interesat e këtyre të fundit në rajon. Tirana dhe Prishtina sillen si pula kokulura dhe të lënë përshtypjen se i kanë borxhe të mëdha «Liliputit nga Shkupi». A ka ardhur koha për një reagim djegës, si kontribut të emancipimit të një shteti që rrezikon paqen në rajon?
Në Obiliq zyrtari ngacmon seksualisht një grua. Dënimi: kod veshjeje për qytetarët. Në Gjakovë një autor bën thirrje dhe nxit kundër myslimanëve. Dënimi: policia vepron pa procedurë ligjore si në Afganistan dhe e burgos atë. Në Tiranë; një humorist bën shaka me ezanin. Dënimi: xhemati i një imami radikal salafist bën ligjin sferave publike. Këto veprime nga sekularët dhe tjerët lexohen si tendencë për të instaluar sheriatin. Shteti dhe mediat ose heshtin ose luajnë indiferentin. Si duket me qëllim: sa më shumë provokime aq më keq për myslimanët. Gjersa radikalët besojnë të pushtojnë shoqëritë myslimanët duhet të kenë frikë për lirinë dhe xhamitë e tyre. Pse?
